Slider

MAYOR COVID-19 UPDATES (3-31-2020)

March 31, 2020

Maayong adlaw bisliganons.
 

Today is the 9th day after i release the eo#23…
 

Naay mga report nga naa pa gihapon nga maka sulod sa bislig nga wala mag subay sa atong guidelines regarding entries sa atong mga checkpoints. Akong gihangyo ang task force covid 19 nga palihug sa pag check sa maong mga reports ug dapat strikto sa implementasyon sa mao nga talamdan sa ato mga point of entries. Apil ni sa ako gi emphasize sa mga barangay kapitanes sa meeting ganinang buntag, march 30, 2020.
 

Ako usab giawhag ang mga kasikbit nga mga munisipalidad nga dapat maklaro gayod ang mga guidelines sa entries and exits sa atong boundary checkpoints. Ang pag gamit ug quarantine pass maoy saktong buhaton aron ma control ang movement sa mga mosulod sa atong syudad nga dili mga residente.
 

Dili usab abusuhon ang pag gamit sa home quarantine pass sa mga katawhan dinhi sa bislig. Ang matag barangay nag issue ani aron ma control ang pag tapok-tapok nga maka violate sa social distancing. Dili kini dapat gamiton aron maka labang-labang sa lain nga barangay nga ang tumong ug tuyo mao lang ang pag laag-laag. Wala usab guidelines sa pag pang issue ug work quarantine pass sa matag barangay. Ang employer dapat ang maga issue ani ngadto sa ilang mga empleyado nga nag puyo sa lain nga barangay. Apan kung naay company or work id, dili na kinahanglan ang work quarantine pass.
 

Wala pa usab ang kada barangay nag issue ug quarantine passes sa mga nag edad 65 years old and above, 18 years old and below, pregnant women ug katong mga naay sakit nga most succeptible sa virus. Hinoon, they are highly encouraged to observe 24-hours home quarantine.
 

After 14 days of monitoring pum & pui cases, ako i-share ang mao nga mga resulta.
 

Sa PUM..
March 15, we had 19 cases. After 14 days, march 29, we already have 594 cases. Sa 594 cases, 329 is still under monitoring ug ang 265 have completed the monitoring.
 

Sa PUI..
March 15, we had 1 case. On march 29, we have 3 cases which are under investigation. The good news is katong usa ka pui nga gipadala sa tandag is found negative sa covid 19. Resulta kini sa maayo nga pag monitor sa cho.
 

Ang significant increase sa pum is due to the proper monitoring sa mga katawhan nga nanguli sa bislig gikan sa laing lugar nga adunay covid 19 cases. Tungod kay residente man lagi sila sa bislig, ato gihapon sila pasudlon sumala sa section 8 of executive order #23 apan automatic nga sila ma qualified as pum.
 

Mga kaigsoonan, atong mapugngan ang pag transfer o pag kuyanap niining virus kung atong obserbahan ug sundon ang mga pahimangno sa cho nga inyong makita sa mga barangay clinics. Ang simple nga pamaagi nga walay gastos mao ang pag maintenar sa dili mo ubos sa usa ka metro nga distansya sa ubang tao. Labing maayo ang pag puyo sa atong mga panimalay kay kini maka tabang sa pag control ug prevent sa pag kanat sa maong virus. Dili man kini lisod sundon. Gamay lang gayod nga sakripisyo on our parts ang gikinahanglan aron malabanan kini nato. We may not be in the front lines but we too can contribute much to the fight against this deadly disease.
 

Stay home….save lives…save yourself….
 

Together with the frontliners, the men & women in uniform, barangay & city officials ug kamong akong mga pinalanggang katawhan sa bislig, atong malabanan kining dili makita nga kaaway ug pinaagi sa atong pag tinabangay ug suporta, bislig city will fight a good fight and will be covid-19 free.
 

Ako gi-awhag ang tanan sa pag report dayon sa atong mga kapulisan kung aduna man kamo mahibaloan nga nag violate sa mga guidelines pertaining to pums.
 

Beloved bisliganons, ako usab ipahibalo kaninyo ang mahitungod sa ginahimo nga pag apud-apud sa hinabang nga pagkaon basi sa makaya sa budget sa pagkakaron.
 

Sa kantidad sa budget nga atong nakuha, dili gayod makaya nga ang tanang lumulupyo sa bislig maoy matagaan. Mao na nga ato gayod gi tan-aw ang mga households nga angayang tagaan sa maong ayuda.
 

Under my principles of transparency, please note kung giunsa sa pag gamit sa nakuhang budget alang sa makiangayong pag hatag sa ayuda.
 

Nakakuha kita ug budget nga p22.5 million. Asa man ni gikuha ang maong kantidad?
 

Ang p5 million gikan sa 2020 calamity fund quick response. Ang p2.5 million gikan sa unexpended calamity fund of 2019. Niabot kini ug p7.5 million. Gidungangan kini ug p5 million nga augmented budget gikan sa reductions sa travel funds or allowances, soca funds kay wala man madayon ang state of the city address ug ubang pa. Nikabat sa p12.5 million ang funds nga readily available for immediate use. Ang kulang nga p10 million maoy currently gina tan-aw sa atong budget officer kung asa pwede makuha but most likely kini magagikan sa mga reductions sa mooe or project funds sa tanan opisina.
 

Kabahin sa pag identify sa mga beneficiaries, atong gitan-aw nga basi sa populasyon sa atong syudad, adunay mokabat sa 18,000 ka mga households. Among gikaltas ang mga households nga adunay mga regular income sama sa mga lgu, deped & national agencies employees, employees of bcwd, surseco ug uban pang mga establishments nga padayon nga nag hatag ug sweldo sa ilang mga empleyado, mga pensioners, business owners nga padayon ang operation ug katong mga adunay fix income o di ba kaha allotments, nikabat sa 15,000 households or families ang maka benepisyo sa maong ayuda.
 

Sa ato pa, ang p22.5 million kung bahin-bahinon sa 15,000 ka mga households, mokabat sa tag p1,500.00 worth of rice and goods matag household o pamilya. Adunay 3 ka hugna sa pag pang apud-apud sa maong ayuda.
 

Ang listahan sa mga qualified beneficiaries naga gikan sa mga kapitanes sa 24 ka mga barangays in partnership with cswd nga maoy nag verify sa listahan. Kinahanglan nga ang mahatagan kato lang mga tinood nga nanginahanglan o mga indigents nga walang wala gyod karong mga panahuna.
 

Base sa listahan gikan sa mga kapitanes, nikabat sa 21,927 ka mga pamilya ang qualified beneficiaries sa unang hut-ong sa ayuda. Nilapas gayod kini sa atong projected nga 15,000 ka pamilya. Bisan pa man, ato gihapon paga hatagan ang tanan 21,927 ka mga pamilya. Apan subject for further verification from cswd ang maong listahan para sa sunod nga mga hut-ong sa ayuda.
 

Ako nasayod nga adunay nga barangay nga daghan ang dili na nanginahanglan sa maong ayuda. Aduna usab mga barangay nga most of the household need the relief goods. I hope that cswd is really doing its job in verifying the list of qualified beneficiaries.
 

Dugang pa, ang matag barangay magahimo usab ug pag dugang sa mga kakulangon nga ayuda pinaagi sa pag gamit sa 20% ira for development projects sumala sa joint memorandum circular 01 nga gipagawas sa dilg ug dbm.
 

Sa pagka karon, ubay-ubay na ang na apud-apud nga hinabang. Sa p12.5 million nga readily available funds, p7.5 million ang gigamit sa pag palit sa mga sinakong bugas, nikabat sa p4.4 million ug mga kinartong goods mikabat sa p2.5 million, totalling p6.9 million. Mao kini ang gipang repack ug sugod gipang apud-apud sa mga kabarangayan gikan gahapon.
 

Adunay mga releases sa uban kabarangayan karong adlawa hangtod april 1.
 

Dugang pa, the national government, through the dswd, magahatag usab ug ayuda sa mga katawhan. Aduna nay amount pero dili pa final kung pila gayod ang makuha matag beneficiary. I am intructing the cswd to coordinate with dswd on how we can avail of the said assistance.
 

Hoping and praying that all our hardships and sacrifices will end sooner or later.
 

To all our frontliners… medical health workers, men & women in uniform, barangay officials, lgu employee frontline offices & volunteers, inter-agency task force and all individuals and support groups who selflessly & tirelessly protect bislig city against this deadly disease, our prayers for your safety.
And to all bisliganons, the local government relies on your support and understanding during this health crisis situation.
 

God bless us all!
 

Salamat Bisliganons!