One Entry One Exit Policy

KASAMTANGANG MGA PALISIYA KABAHIN SA “ONE ENTRY, ONE EXIT” SA MERKADO PUBLIKO PINASUBAY SA EXECUTIVE ORDER # 26

  • Abli ang merkado publiko gikan sa alas singko sa buntag hangtud sa alas siete sa gabii.

  • Usa lamang ang ganghaan sa merkado publiko nga naa nahimutang sa atubangan og ang gawsanan anaa nahimutang sa tuong bahin niini.

  • Ang tanan nga mosulod sa merkado ipaubos sa sanitizing sa kamot og disinfection sa mga sapatos, sandal, o tsinelas lakip na ang pagmonitor sa mga temperatura. Tanan individual nga adunay temperatura nga motaas sa 37 degree celsius tagaan og higayon nga makarelaks sulod sa tulo ka minuto adiser pa kini usban og kuha sa temperatura. Kon walay kausaban sa maong temperatura sila pagatambagan sa pagpauli sa ilang mga panimalay o paghapit sa pinakaduol nga balay tambalanan aron sa pagkumpirma og paghatag sa tukmang preskripsyon.

  • Hugot nga gipatuman ang pagsuot og face mask ma customers man o vendors. Walay face mask, dili makasulod.

  • Walay Home Quarantine Pass, dili makasulod.

  • Ang tanan lumulopyo sa market site district nga naapektuhan sa sunog adunay kaugalingon nga ganghaan og gawsanan diha sa likod sa merkado publiko.

  • Tanan senior citizen, buntis, og menor de edad gibawalan sa pagsulod sa merkado.

  • Pagmintinar sa Social Distancing bisag asa sulod sa merkado publiko.

  • Adunay kaugalingon nga ganghaan og gawsanan ang tanan pribado nga sakyanan og ang tanan sakay niini ipaubos gihapon sa sanitizing og disinfection nga gipahimutang diha sa kilid sa merkado publiko.

  • Ang tanan tindera/sinaligan sa mga negosyo sulod sa CEEDO gikinahanglan sa pagpresentar sa ilang mga work pass.

  • Ang tanan negosyante sa CEEDO gimandoan sa pagbutang og hand sanitizer para sa ila og ilang mga customers. Ang kanunay nga paglimpyo sa palibot sa mga stalls og pagmintinar sa Social Distancing responsibilidad sa mga negosyante.

  • Ang tanan tindera/tindero sa mga gulay og prutas gimandoan sa paghugas og tarong sa ilang mga paninda adiser kini e display.

  • Adunay ipahigayon nga misting sa sayo sa buntag kada adlaw sa merkado publiko og ang paghugas niini pagabuhaton sa mga adlaw sa merkules og domingo homan sa operasyon niini.

  • Bawal ang pagpakaon sulod sa mga pwesto sa kan-anan, snakanan painitanan og sugbahanan.

  • Ang atong terminal sa pampublikong sakyanan temporaryo nga sarado.

Kini nga mga palisiya mausab matag karon og unya nga adunay pagpahibalo para sa mas plastado nga implementasyon sa Executive Order # 26.